Anita Desai

Anita Desai (jaiotzez, Anita Mazumdar, Mussoorie; Mussoorie, 1937ko ekainaren 24a) indiar idazlea da, ingelesez idazten duena, eta Ameriketako Estatu Batuetan bizi da.

Anita Mazumdar Mussoorie-n jaio zen, Delhiko iparraldean. Aita bengalarra zuen eta ama, alemaniarra. Delhin egin zituen bigarren hezkuntzako eta unibertsitateko ikasketak, eta ingeles literaturan graduatu zen 1957an. Hurrengo urtean, Ashvin Desai enpresariarekin ezkondu zen. Lau seme-alaba izan zituen; horietako bat, Kiran Desai idazlea.

1963an hasi zuen bere ibilbide literarioa, ''Cry, the Peacock'' eleberriarekin. Hainbat eleberri eta kontakizun laburren bildumak argitaratu ditu, baita haurrentzako liburuak ere. Bere lanetan askotan erabiltzen dituen gaiak hauek dira: familiaren baitako tirabirak edo klase ertaineko emakume indiarren alienazioa. Bere nobela berrienek beste gai batzuk ere jorratu dituzte, hala nola, antisemitismoa Alemanian (''Baumgartner's Bombay''), ohitura tradizionalen desagerpena eta Indiari buruzko mendebaldeko estereotipoak. Bere lanak ingelesez soilik idatzi ditu.

Idazleen laudorioak jaso ditu publikoki; Salman Rushdierena, esate baterako. Hamaika hizkuntzatara itzuli dituzte bere lanak. Bere hiru eleberri (''Clear Light of Day'', ''In Custody'' eta ''Fasting, Feasting'') Booker Sari ospetsuko finalistak izan ziren, 1980an, 1984an eta 1999an, hurrenez hurren. 1993an, James Ivory-k eta Ismail Merchant-ek ''In Custody'' zinemara eraman zuten, egilearen gidoiarekin. Wikipediatik informazioa lortu