Maria Edgeworth

Maria Edgeworth, nada en Black Bourton, Oxfordshire (Inglaterra) o 1 de xaneiro de 1768 e finada en Edgeworthstown, Longford (Irlanda) o 22 de maio de 1849, foi unha escritora anglo-irlandesa. Foi unha das primeiras autoras realistas de literatura infantil e unha figura relevante na evolución da novela europea. Sostivo ideas críticas sobre a xestión de propiedades, a política ou a educación, e mantivo correspondencia con algúns dos principais literatos e economistas do seu tempo, como Walter Scott ou David Ricardo. Durante a primeira década do século XIX, foi unha das novelistas máis lidas de Inglaterra e Irlanda. O seu nome asóciase na actualidade coa súa primeira novela, ''O castelo Rackrent'' (1800), na que adoptou unha perspectiva católico-irlandesa para narrar o declive dunha familia de terratenentes anglo-irlandeses. Veröffentlicht in Wikipedia