Louise Erdrich

Louise Erdrich (Little Falls, Minnesota, 1954eko ekainaren 7a) Ojibwa jatorriko idazle estatubatuarra da, eleberriak, poesia eta haurrentzako liburuak idazten dituena, Amerikako jatorrizko pertsonaia eta ezaugarriekin. ''Chippewa indiarren Turtle Mountain Banden'' elkarteko kidea da (Ojibwa edo Chippewa izenez ere ezaguna).

Erdrich AEBetako ''Errenazimentu Indigena''ren bigarren olatuko idazle garrantzitsuenetako bat da. Guztira 28 liburu idatzi ditu, fikzioa, ez-fikzioa, poesia eta haurrentzako liburuak barne. 2009an, ''The Plague of Doves'' eleberria finalista izan zen fikziozko Pulitzer sarirako, eta Anisfield-Wolf Book saria jaso zuen. 2012ko azaroan, National Book Award edo Liburuaren Sari Nazionala jaso zuen, ''The Round House'' eleberriagatik. Wikipediatik informazioa lortu