Federico Fellini

Federico Fellini, nado en Rimini o 20 de xaneiro de 1920 e finado en Roma o 31 de outubro de 1993, foi un director e guionista de cine italiano. Gañador de catro Óscar ó mellor filme en lingua non inglesa e dun Oscar Honorífico pola súa traxectoria.

Durante case catro décadas -desde ''Lo sceicco bianco'' de 1952 a ''La voce della luna'' 1990- Fellini "retrata", en ducias de películas, un pequeno grupo de personaxes memorables. El autodenominouse "un artesán que non ten nada que dicir, pero que sabe como dicilo". Deixou obras inesquecibles, cheas de sátira pero empapadas dunha sutil melancolía, caracterizadas por un estilo onírico e visionario. Os títulos das súas películas máis famosas - ''La strada'', ''Le notti di Cabiria'', ''La dolce vita'', ''8½'' e ''Amarcord''- convertéronse en tópicos mencionados na lingua orixinal en todo o mundo. Veröffentlicht in Wikipedia