Xavier Herbert

Xavier Herbert (Geraldton, Mendebaldeko Australia, 1901eko maiatzaren 15a – Alice Springs, Ipar Lurraldea, 1984ko azaroaren 10a) australiar idazlea izan zen.

Amy Victoria Scammell eta Francis Herbert galestarren semea izan zen. Lehen lana hamalau urterekin egin zuen, farmazia batean. Farmazia ikasi zuen Perth Technical Collegen. 1935ean Melbourneko Unibertsitatean izena eman zuen medikuntza ikasteko. Han hasi zen aldizkari eta egunkarietan istorio laburrak argitaratzen.

1938an ''Capricornia'' eleberria argitaratu zuen, Darwinen aborigenen babesle gisa izandako esperientzietan oinarrituta. 1939an Australiako Literatur Elkartearen urrezko domina irabazi zuen.

Ia ez zuen argitaratu 1940 eta 1950eko hamarkadetan. 1975ean ''Poor Fellow, My Country'' argitaratu zuen, Miles Franklin saria irabazi zuena. Australiako eleberri luzeena da.

Aborigenen defendatzailea izan zen, batez ere Queenslandekoak eta Ipar Lurraldekoak. Wikipediatik informazioa lortu