Engelbert Kaempfer

Engelbert Kaempfer (Lemgo, 1651ko irailaren 16a - ''ibidem'', 1716ko azaroaren 2a) alemaniar naturalista, sendagile, esploratzaile eta idazlea izan zen.

Hameln, Lüneburg, Hanburg, Lübeck eta Danzigen ikasi zuen eta Krakovian graduatu ondoren lau urte eman zituen Königsbergen medikuntza eta natur zientziak ikasten. 1681ean Uppsalara joan zen eta han Ludvig Fabritiusen enbaxadarekin bat egin zuen. Persian urtebete eman ondoren, Bandar Abbasko portuan itsasoratu zen zirujau gisa Ekialdeko Indietako Herbeheretar Konpainiaren flotan. Indiako kostaldetik igaro ondoren, Bataviara iritsi zen eta negua natura ikasten igaro zuen.

1691n Nagasakira iritsi zen. Bi urtez bertako flora aztertu zuen. Akupuntura ere deskribatu zuen. 1692an Japon utzi eta Javara joan zen, eta 1695ean Europara.

Medikuntzako doktoretza jaso zuen Leidengo Unibertsitatean, eta Lippeko gorteko mediku izendatu zuten. Bere bidaiei eta bisitatutako lurraldeen historia naturalari buruzko liburuak argitaratu zituen. Wikipediatik informazioa lortu