Henri Lopes

Henri Lopes (Léopoldville, 1937ko Irailaren 12a - Suresnes, 2023ko azaroaren 2a) kongoar politikari, diplomazialari eta idazlea izan zen. Kongoko Errepublikako lehen ministroa izan zen.

Brazzavillen eta Banguin lehen hezkuntza jaso zuen eta 1947an Parisera joan zen bigarren mailako eta unibertsitateko ikasketak egitera. Brazzavillera itzulita, historiako irakaslea izan zen 1964tik 1966ra, eta hezkuntzako zuzendari nagusia 1966tik 1968ra.

Marien Ngouabi presidenteak Hezkuntza Nazionaleko ministro izendatu zuen 1969an, eta Kanpo Arazoetako ministro 1971n. Kongoko Langileen Alderdiaren Bulego Politikoko bost kideetako bat izan zen 1972an, eta 1973tik 1975era lehen ministro kargua bete zuen. 1977tik 1980ra Finantza ministro izan zen, eta, horren ondoren, UNESCOrentzat lan egin zuen Afrikako zuzendariorde nagusi gisa. 1998tik 2015era Kongoko enbaxadorea izan zen Parisen.

Gainera, hainbat sari jaso zituzten eleberriak eta saiakerak idatzi zituen. Wikipediatik informazioa lortu