Stanislaw Przybyszewski (Łojewo, Prusia —gaur egun Polonia—, 1868ko maiatzaren 7a - Jaronty, Polonia, 1927ko azaroaren 23a) idazlea izan zen, etniaz poloniarra. Urte asko Berlinen eman ondoren Krakoviara jo zuen, eta ''Zycie'' (''Bizia''), poloniar gazteen literatura-aldizkariaren zuzendaria izan zen; aldizkari hark eragin handia izan zuen poloniar, errusiar eta txekiar idazleengan. Chopin, Nietzsche eta Hanssoni buruzko azterketak argitaratu zituen, besteak beste. Alemanez idazten zuen, eta berak itzultzen zituen bere lanak polonierara. Obra nagusiak: ''Hildakoentzako meza'' (1893), ''Gaubeila'' (1895), ''Homo sapiens'' (1895-1897), ''De profundis'' (1896) eta ''Satanen seme-alabak'' (1897).
Wikipediatik informazioa lortu
