Krzysztof Zanussi

Krzysztof Pius Zanussi (Varsovia, 1939ko ekainaren 17a) poloniar zinemagilea da.

Fisika, filosofia eta zinema-ikasketak egin zituen. Film laburrak eta telebistarako dokumentalak egin zituen bere lehen film luzea egin aurretik, ''Struktura Kryształu'' (1969), kritikak goraipatua eta nazioarteko hainbat zinemalditan saritua izan zena. Poloniako gizartearen kritika egin eta berrogeita hamar urtez nagusi izan zen sistema politikoaren ustelkeria salatu izan du bere filmetan. Ospe handia izan du mundu osoan eta zenbait film egin ditu atzerrian: ''The Catamount Killing ''(1974), ''Wege in der Nacht ''(1979) eta ''A Man from a Far Country'' (1981), Juan Pablo II.a Aita Santuaren biografia. Zanussi da, Andrzej Wajda eta Krzysztof Kieślowskirekin batera, poloniar zinemagilerik ezagunena. Wikipediatik informazioa lortu